Саха Сирин бастакы Президена М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С.А. Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ.

Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.

Олунньу 10 күнүгэр Хара-Алдан орто оскуолатын улахан кылааһын үөрэнээччилэригэр «Саха суругун-бичигин түсчүтэ» диэн библиоурок ыытылынна. Урукка оҕолорго сСемен  Андреевич Новгородов олоҕун, айар үлэтин уоннааха тыла  наука буолан  сайдарыгар     кини өҥөтө быһаччы суолталааҕын туһунан сырдаттыбыт. Тэрээһин иккис аҥарыгар саха биллэр-көстөр дьоно, суруйааччылар бэргэн этиилэрин кытары билистилэр, этиилэри ырыттылар уонна бэйэлэрэ бэргэн этии толкуйдаан таһаардылар.

Олунньу 12 күнүгэр «Сахам сайдам тылынан» диэн өй оонньуута ыыттыбыт. Оонньууга детсад, оскуола, олохтоох дьаһалта уонна бэтэрээн Сэбиэтэ буолан хамаандаларынан күөн көрүстүлэр.  Хамаандалар синонимнары, антонимнары, бэргэн этиилэри, өс хоһооннору таайдылар, тэттик ыйытарга эппиэттээтилэр, саха алфавитын хатылаатылар уонна оонньуубутун аатынан бэргэн этиилэри толкуйдаатылар.

Ол курдук биэс түһүмэх түмүгүнэн детсад коллектива кыайыылаах үрдүк аатын ылла. Кыайыылаахтары эҕэрдэлиибит, бары кыттааччыларга инникитин ситиһиилэри баҕарабыт!

«Сахам сайдам тыла ийэ үүтүн кытта эккэр-хааҥҥар иҥэн киирэр, сахам сайдам тыла ыраас салгын курдук сүрэххэр-быаргар сайа биэрэр»

Бэтэрээн Сэбиэтэ

«Сахам сайдам тыла — саха омугун сырдык тыына»

Оскуола коллектива

«Сахам сайдам тыла — быһах курдук сытыы, оҥоҕос курдук бэргэн, байҕал курдук баай»

Детсад коллектива

«Сандаар, саҥар сахаҥ тылынан!

сарсыҥҥылаах сахам сайдам тылынан!»

«Сахам сайдам тылынан,

саҥарабын, суруйабын,

Санаабын сааһылаан

Сурук гына тиһэбин.»

«Саха тыла-

Саха тыына,

Сахам сайдам тыла!

Саһалла,

Саргылана,

Сандаара, сайда, тур!»

Олохтоох дьаһалта коллектива