Ыам ыйын 9 кунэ – өрөгөйдөөх Кыайыы күнэ!

Бу күн биһиги Аан дойдуну фашизмтан босхолообут кыайыылаах көлүөнэҕэ дириҥ махталбытын биллэрэбит кинилэргэ булгуруйбат санааларын уонна Ийэ дойдуларыгар тапталларын иһин сүгүрүйэбит. Улуу Кыайыы, өрөгөй күнэ. Төhө да сыл хонук аастар, бу бырааhынньык суолтата харыс да хамнаабакка, төттөрүтүн өссө суолталанан, дириҥээн иhэр. Саҥаттан саҥа көлүөнэлэргэ 1945 сыл ыам ыйын 9 күнэ хаhан да умнуллуо суоҕа!

Саха норуота бу сэриигэ бэйэтин дойдутун иһин ураты бэриниилээҕин, хорсунун, мындырын көрдөрбүтэ, үтүө сэрииһит аатын ылбыта.

Хара-Алдан нэһилиэгиттэн 32 киһи сэриигэ ыҥырыллан барбыттара. Онтон 8 киһи дойдуларыгар төннүбэтэхтэрэ, сэрии толоонугар хаалбыттара.

Кэлэр кэнэҕэски ыччаттар Аҕа дойду сэриитин кыттыылаахарын тустарынан үһүйээн курдук санаабаттарын туһугар Хара-Алдан бэтэрээннэрин Сэбиэтин кытары видео оҥорон бэлэмнээтибит

Уот сэрии кэпсэтэр тылынан…

Ыам ыйын 14 күнүгэр «Эрэл» эдэр ыччат түмсүүтүн кыттыылаахтарыгар «Уот сэрии кэпсэтэр тылынан» диэн литературнай киэһээ буолан ааста. Тэрээһин кыттааччыларыгар итии чэйдээх остуол тула олорон Саха сирин буойун суруйааччыларын туһунан сырдаттыбыт, хоһооннорун аахтыбыт, Аҕа дойду сэриитин чахчыларын кэпсээтибит уонна түмүккэ түргэн ыйытыктар күрэҕин ыыттыбыт. Көрсүһүүгэ эдэр учуутал кыргыттар, уһуйаан иитээччитэ кыттыыны ылбыттара кэрэхсэбиллээх.