Ааспыт 2022 сылтан Хара-Алдан нэһилиэгин Бэтэрээннэрин Сэбиэтин литературнай куруһуоктарын күүстээх үлэтэ салҕанар. Ол курдук быйылгы бастакы тэрээһини олунньу 15 күнүгэр «Сахат тыла — норуот кэскилэ» диэн  төрөөбүт төрүт тыл уонна сурук-бичик күнүгэр ананан буолан ааста.

Тэрээһин саҕаланыан иннинэ кэлбит ыалдьыттары Бэтэрээн Сэбиэтэ  буруонан арчылаан, алгыстаан көрүстэ.

Салгыы олохтоох поэтесса Вера Козлова —  Туйгууна тыл туһунан суруйбут хоһоонунан тэрээһини арыйда.

Сурук- бичик төрүттэниитин, саха тылын сайдыытын, С.А Новгородов олоҕун,үлэтин, билиҥҥи тыл туругун туһунан  Старостина Капиталина Николаевна  киэҥ иһитиннэриини оҥорбутун арыылаах алаадьылаах, отон муорстаах  төгүрүк остуол тула олорон сэҥээрэн иһиттибит.

Саха тыла сүтүө дуо? Ютуб оҕото диэн өйдөбүл биһиэхэ баар дуо? Тылы солбуйууну хайдах ылынабыт? Саха тылын инникитэ диэн ис хоһоонноох аһаҕас кэпсэтии, санаа атастаһыыта көхтөөхтүк барда.Уһуйаан иитээччитэ Варламова Е.И.,алын кылаас учууталлара Северьянова А.Н., директоры үөрэх чааһыгар солбуйааччы Крылова С.Е., литература учуутала Бочурова А.Г., олохтоох библиотека үлэһитэ Никулина У.И. санааларын атастастылар.

Россия, Саха сирин Суруйааччыларын Союзтарын чилиэнэ, айар куттаах Самсонов П.Е. — Бүөтүр Хара бэйэтин көрүүлэрин үллэһиннэ, П.А. Ойуунускай «Улуу Кудаҥсаттан» айымньытытан быһа тардан аахпыта түмсүү туруорбут сыалын-соругун ситэрэн-хоторон биэрдэ.

Буолбут тэрээһиҥҥэ оскуола улахан кылаас үөрэнээччилэрэ кэлэн көхтөөх кыттыыны ылбыттара олус кэрэхсэбиллээх дьыала. Бары кэлэн истибит, срэгээбит, кыттыыны ылбыт нэһилиэк олохтоохторугар барҕа махталбытын тиэрдэбит.

Салгыы көлүөнэнэн хамаандаҕа арахсан күрэхтэһии буолла. Күрэххэ түөртүү чилиэннээх 3 хамаанда кыттыыны ылла: ыччаттар, орто саастаахтар, бэтэрээннэр.

Маҥнайгы түһүмэх «Мүнүүтэҕэ ааҕыы». Түһүмэххэ П.А. Ойуунускай «Соломуон Муударай» айымньыттыттан аахтылар.

1 миэстэ — Орто саастаахтар , Николаева Н.А. — 178 тыл.

2 миэстэ — Эдэр ыччаттар, Варламова Альмира — 176 тыл.

Иккис түһүмэх «Чабыр5ах». Хайа хамаанда чилиэн чабырҕаҕы чопчутук, түргэнник ааҕар эбит диэ түһүмэх

1  миэстэ — Эдэр ыччаттар, Варламова Альмира .

2 миэстэ — Орто саастаахтар , Николаева Н.А.

3 миэстэ — Бэтэрээннэр. Северьянова А.Н..

Салгыы остуол оонньууларын «Хабылык», «Хаамыска», «Тэлэрин» түһүмэхтэрин «Аллан» НАДь ыыт

Хамаандалар	Дьахталларга хабылык кыайыылааҕа Северьянова А.Н.
	Эр дьоннорго Хаамыска кыайыылааҕа Крылова С.А.

Эр дьоннорго хабылыкка тэҥнэһии Старостин Е.Е., Винокурова Г.И.

Дьахталларга Хаамыска кыайыылааҕа Варламова Альмира

Бары кыайыылаахтар «Аллан» НАДь, Олохтоох библиотека уонна Бэтэрээн Сэбиэтин аатыттан сэмэй бэлэхтэринэн наҕараадаланнылар.