Загрузка...Төрөөбүт тыл уонна сурук-бичик күнэ
Саха Сирин бастакы Президена М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, С.А. Новгородов төрөөбүт күнэ – олунньу 13 күнэ – Төрөөбүт тыл уонна сурук-бичик күнүнэн биллэриллибитэ.
Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.
Ол курдук олунньу 13 күнүгэр төрөөбүт төрүт тыл уонна сурук бичик нэдиэлэтин арыйа, Хара-Алдан орто оскуолатын 5-7 кылаас үөрэнээччилэригэр «Иитиллибит ийэ тылым мин сүрэхпэр» диэн кылгас библиоурок буолан ааспыта. Үөрэнээччилэр уруокка С.А. Новгородов туһунан, кини үлэтин — сахалыы маҥнайгы алфавит туһунан билистилэр. Маҥнайгы алфавитынан суруллубут тиэкиһи ааҕан көрдүлэр, улаханнык сэҥээрдилэр.
Уруок кэннэ оҕолор салгыы «Таптыыр сахам тылынан» Өрөспүбүлүкээнскэй аахсыйаҕа кыттыыны ыллылар. Аахсыйа балаһыанньатынан ыйыллыбыт сигэнэн киирэн хас биирдии үөрэнээччи аатын, кылааһын ыйан туран сорудахтары толордулар. Аахсыйа түмүгэ олунньу ый 20 күнүгэр биллиэхтээх.