Олоҥхо — саха омук былыргы дьыллар быыстарыттан сырдык уонна хараҥа, айыы уонна абааһы аймахтара утарыта турууларын, күрсүүлэрин туһунан уостан уоска бэриллэн кэлбит уус-уран айымньыта. Олоҥхо киһи өркөн өйүн күүһүн күдэҕин кыаҕынан айыы аймаҕын күөмчүттэн көмүскүүр үрдүк аналын хоһуйар.

Олоҥхо декадатын чэрчитинэн түмүктүүр тэрээһиммитин 5-с кылаас үөрэнээччилэригэр «Олоҥхо эйгэтэ» библиоурок ыыттыбыт.

Уруокка оҕолор олоҥхо туһунан сүрүн өйдөбүлү, олоҥхо тутулун, олоҥхоһут диэн кимий диэн биллилэр, үөрэттилэр. Салгыы олоҥхоттон быһа тардыылары аахтылар уонна түмүккэ аралдьыйан оонньоотулар.