Загрузка...
ВИНОКУРОВА ЕФРОСИНИЯ АЛЕКСАНДРОВНА
1975 сыл балаҕан ыйын 20 күнүгэр Таатта улууһун Уус-Таатта нэһилиэгэр Ефросиния Ивановна герой ийэ уонна Александр Владимирович элбэх оҕолоох дьиэ-кэргэҥҥэ тохсус оҕонон күн сирин кѳрбүтэ. Оскуоланы бүтэрээт Уус-Тааттатааҕы Петр Алексеев аатынан совхозка ыанньыксытынан үлэлээбитэ. 1992 сыллаахха олоҕун аргыһын Егор Иннокентьевиһы кѳрсѳн ыал буолан, 10 оҕоҕо күн сирин кѳрдѳрбүттэрэ.
2007 сыллааха «Ийэҕэ албан аат» бэлиэ ылбыта. 2015 сыллаахха «Герой ийэ» үрдүк аат иҥэриллибитэ. Ефросиния Александровна билигин Г.В. Егоров аатынан Хара-Алдан орто оскуолатыгар үлэлиир. Түѳрт оҕону үрдүк үѳрэхтээн, икки оҕону ыал оҥорон икки сиэннээхтэр.
НОВГОРОДОВА АНАСТАСИЯ МИХАЙЛОВНА
Анастасия Михайловна 1929 с. от ыйын 10 күнүгэр Хоту хараҕа «Бээйэ» ѳтѳҕѳр тѳрѳѳбүтэ. Кини 20-чэ саастааҕар Хара-Алдаҥҥа «Мохсоҕоллоох» диэн сиргэ Ѳксѳѳҥҥѳ балык артыалыгар 4 сыл үлэлээбитэ. 1951с. Хара-Алдан олохтооҕор Новгорлодов С.С кэргэн тахсан 12 оҕоломмуттара. Ыал буолан хоту ѳтѳхтѳн кѳһѳн бѳһүѳлэккэ 1967 с. олохсуйан, дьааһылаҕа ньээҥкэнэн, прачканан, поварынан үлэлээн пенсияҕа тахсыбыта.
1971 с. ахсынньы 31 күнүгэр ССРС Верховнай Советын уураааҕынан «Герой ийэ» үрдүк аата иҥэриллибитэ.
Наҕараадалара: ССРС Верховнай Советын Президиумуттан «Герой Ийэ» аат, Материнская слава 1,2,3 степеннээх орденнарынан, Улуу Кыайыы үбүлүѳйнэй мэтээллэринэн, Таатта улууьун «Ытык саас» анал мэтээлинэн наҕараадаламмыта.
ЗАХАРОВА УЛЬЯНА ИННОКЕНТЬЕВНА
(20.04.1935 — 10.04.2010)
Таатта оройуонун Хара-Алдан нэһилиэгэр дьиэ — кэргэннэригэр 1935 с. Муус устар 20 күнүгэр бастакы оҕонон күн сирин кѳрбүтэ. Сэрии бүппүтүн кэннэ балык артыалыгар, сүөһү көрүүтүгэр үлэлээбитэ.
Ульяна Иннокентьевна Иннокентий Иннокентьевичтыын 11 оҕонут төрөппүттэрэ, ииппиттэрэ.
Наҕараадалара: «1941-1945 сс. «Аҕа дойду сэриитигэр килбиэннээх үлэтин иһин», «Маршал Жуков» мэтээллэрдээх, СССР Верховнай советын президиумуттан «Герой ийэ» аат иңэриллибитэ, «Ийэҕэ Албан аат» 1,2,3 стененнэрэ мэтээллэрдээх.
СТАРОСТИНА АННА МАТВЕЕВНА
(29.02.1928 — 05.07.2011)
Хара-Алдан Хоту Хара Дьукайааныгар күн сирин көрбүтэ. Улахан дьонно көмөлөҺөн «Тѳрүттэнии» холкуоска от мунньуутугар, бурдук ыҺыытыгар уонна хомууругар үлэлээбитэ. Сэрии кэнниттэн балыыһаҕа, оскуолаҕа, детсадка остуораҺынан, ньээҥкэнэн үлэлээн пенсияҕа тахсыбыта. 10 оҕону төрөтөн, көрөн-истэн, улаатыннаран «Герой ийэ» аатын сүкпүтэ.
Наҕараадалара: ССРС Верховнай Президиумуттан «Мать Героиня» бочуоттаах аат, «Материнская Слава» 1,2,3 степень, Улуу Кыайыы юбилейнай мэтээллэрдээх.
СТАРОСТИНА УЛЬЯНА ЕГОРОВНА
(21.11.1925 — 15.07.2007)
Уолба күөл үрдүгэр Эңэргэ Арҕаа өтөххө күн сирин көрбүтэ. Сэрии кэнниттэн Аҕа дойду сэриитин активнай кыттыылааҕар, Аҕа дойду сэриитэ орден кавалерыгар Гавриил Гаврильевич Винокуровка кэргэн тахсан, уон оҕону күн сирин көрдөрбүттэрэ.
Герой – Ийэ Ульяна Егоровна уон оҕо күн күбэй ийэтэ буолан дьоллоох олоҕу олорон ааспыта. 1970 сыллаахха Герой Ийэ үрдүк аата иҥэриллибитэ.
Наҕараадалара: ССРС Верховнай Президиумуттан «Герой-ийэ» бочуоттаах аат, «Материнскай слава» 1,2,3 степень мэтээллэр, Улуу Кыайыы юбилейнай мэтээллэрэ.
СТРЕКАЛОВКАЯ ВАРВАРА МАТВЕЕВНА
(12.04.1930- 20.04.2001)
Хара-Алдаҥҥа Хоту Хара диэн сиргэ 1930 сыллаахха күн сирин көрбүтэ. Варвара Матвеевна сэрии кэмнэригэр фрону балыгынан хааччыйар сыаллаах балык артыалыгар үлэлээбитэ.
Винокуров Егор Гаврильевичтыын ыал буолан 10 оҕону төрөтөн атахтарыгар туруоран киһи оңорбуттара. Билигин кинилэр олохторун оҕолоро, сиэннэрэ салгыыллар.
Наҕараадалара: СССР Верховнай советын президиумуттан «Герой ийэ» аат иңэриллибитэ, «Ийэҕэ албан аат» 1,2,3 степеннэрэ, «Аҕа дойду сэриитигэр килбиэннээх үлэтин иһин», «Маршал Жуков» мэтээллэрдээх.