Өлөртөн куттаммат,
Өргөстөн дьулайбат,

Кэннинэн кэхтибэт
Кэм кэллэ быһыылаах…

Төрөтөр төрүөххүт

Төлкөтүн көрүөххүт,

Уһун дьол үрдүгэр,

Уоҕурар бэрдигэр

Үүнүөххүт, үөскүөххүт…

Аан ийэ дайдыбытыттан

Арахсыбыппыт да иһин,

Уоттаах улуу модун санаабыт

Уҕарыйыа дии санаабаппын.

Хаарл Мааркс эппитэ:

«Уот садаҕа моҕойдору

Улуу дойдуга ыспыппыт —

Былахыны эрэ биэрдэ», — диэн

Былыргы дьылга хомойбута.

Будулҕан тумаҥҥа, чыгдааннаах дьыбарга
Буорахпыт буруота бурҕаҥнаан оргуйар;
Түүннэри-күннэри түрбүөтээн ытарга
Түннүктүүн, үөлэстиин барыта доргуйар…

Түүннээҕи халлааным

Төлөҥнөөх мичээрэ

Күлүмнүүрүн курдук

Күндү күлэр-мичик

Хаастаах харахтаргын

Хайҕаан умсугуйдум.

Үөрэн-көтөн туруохпун,

Үөрэ-дьүөрэ туойуохпун

Уураа-сыллаа, сэгэттэй!

Ууруур-сыллыыр үчүгэй!

Эн уолуҥ бассабыык, охсуһуу буойуна,

Эн уолуҥ ырыаһыт, илбис тыл туйгуна,

Сүрэҕим төлөнө кинини убатар,

Сүүһүнэн сүрэҕи, дьэ, туотан дуоратар…

Иннигэр-кэннигэр иҥнэрэр, охторор

Илбистээх илиилээх,

Биллибит-көстүбүт биэлэйдэр бэттэрэ

Биһиги этибит…

Хараҥа түүннэргэ хайаҕа-тайҕаҕа саа тыаһа доргуйар.

Хаарынан-буурҕанан тымныы тыал чыскыйа ытыллан оргуйар…

«Мин урут үрүҥтэн куттаммыт-чугуйбут быһыыбын билэргиэт?

Мин санаам түһэрин, мин сырыым мөлтүүрүн дьэ кимтэн истэргиэт?»